Dy alpinistët kosovarë që pushtuan më 22 maj majën më të lartë të Everestit, Arineta Mula dhe Nazmi Hasanramaj, janë rikthyer në vendlindje.
Ata janë shprehur të lumtur për suksesin e arritur, derisa kanë thënë se ekspedita e tyre është një fitore edhe për Kosovën.
“Kjo është një storie shumë e gjatë, mirëpo ka qenë ekspeditë e suksseshme, ka qenë një fitore për Kosovën”, ka thënë Nazmi Hasanramaj për Klan Kosovën.
Edhe alpinistja Mula u shpreh e kënaqur me suksesin e arritur.
“Ka shkuar gjithcka mirë, bashkë me Nazin e kemi bërë një hap të madh për Kosovën. Jemi shumë të lumtur”, ka thënë Arineta Mula. /Insajderi.com