![Argjentina është fituese e “Copa America”](https://insajderi.com/wp-content/uploads/2021/07/argjentina.-730x440.jpg)
Argjentina është kampion i “Copa America”, raporton Insajderi.
Lionel Messi dhe shokët e tij e mposhtën Brazilin në finalen e madhe.
Ishte një gol i Angel Di Maria, në minutën e 22’të që doli të jetë vendimtar në triumfin e Argjentinës.
Ky është trofeu i parë për Lionel Messin me kombëtare.
Më parë 10-shi i Barcelonës kishte humbur finalen me kombëtaren në “Copa America”, por edhe në botërorin e vitit 2014 – lëshoi shancin për ta fituar Kupën e Botës kundër Gjermanisë.
Sidoqoftë, Messi vlerësohet të ketë shfaqur përformancë briliante në “Copa America”, për sonte mori kritika rreth paraqitjes individuale – por në fund skuadra fitoi.
Ndeshja e sotme u karakterizua me shumë ndërprerje e lojë të ashpër.
Argjentina në gjysmëfinale e kishte mposhtur Kolumbinë, ndërsa në çerekfinale Ekuadorin.
Brazili rrugën për finale pas fazës së grupeve e arriti duke e mposhtur Kilin dhe Perun.
Dy kombëtaret më të njohura në Amerikën Jugore, vitin tjetër paraqiten në Katar, Kupa e Botës 2022.
Aty, Messi do ta kërkojë trofeun e parë botëror, më të çmueshëm për kombëtare. /Insajderi.com