Policia e Indonezisë sot bëri të ditur se është arrestuar shefi i ashtuquajtur i prodhimit të pijeve alkoolike prej të cilave kanë humbur jetën 45 persona brenda një jave në provincën Java Perëndimore.
Vetëm këtë muaj në Indonezi nga helmimi me pijet alkoolike kanë humbur jetën qindra persona.
Gjenerali Syafruddin, zëvendës komisioneri i policisë kombëtare, tha se policia arrestoi kreun e prodhimit të pijeve alkoolike, Samsuddin Simbolon, në plantacionet e tij të vajit të palmës në Sumatra jugore të mërkurën në mëngjes.
Simbolon, thuhet se bleu një shtëpi luksoze nga të ardhurat e biznesit të tij të paligjshëm. Policia gjithashtu arrestoi gruan e tij, si dhe dy ndërmjetësues për shkak të ndihmesës së Simbolon-it për të menaxhuar punën e tij për dy vitet e fundit.
Gjatë hetimit, policia gjeti më shumë se 5.000 shishe me pije alkoolike të paligjshme gati për t’u shpërndarë.
Nëpunësit policor vazhdojnë kërkimet edhe për katër persona të dyshuar.
