Pavarësisht kontrolleve mjekësore të kryera që nga mosha 10 vjeçare, asnjë diagnozë nuk u bë për vajzën jordaneze. Kur ajo shkoi për të studiuar mjekësi, zbuloi vetë se kishte një sindromë të rrallë.
Asnjë mjek nuk mundi ta kuptojë origjinën e sëmundjes së saj, në moshën 18-vjeçare ajo filloi të studionte mjekësi dhe të diagnostikonte vetë sëmundjen e saj.
Është historia e Israa Altayeh, një vajzë jordaneze që vuante nga dhimbje të forta të kyçeve, humbje të vetëdijes dhe simptoma të tjera të rënda pa ndonjë arsye të dukshme që kur ishte fëmijë. Historia e sajka bërë xhiron e mediave ndërkombëtare, njofton Insajderi.
Duke mos ardhur në një përfundim pavarësisht kontrolleve mjekësore, të kryera edhe jashtë vendit, Israa filloi të studionte tekste mjekësore dhe përfundimisht zbuloi se vuante nga sindroma “Ehlers Danlos” (EDS), një sëmundje e rrallë që prek një person në 20 mijë në botë.
Patologjia ka të bëjë me indet lidhëse dhe përfshin simptoma që variojnë nga problemet në nyje, duke kaluar nëpër ato në lëkurë deri në sistemin e tretjes. Të njëjtat sëmundje që vajza vuajti nga mosha 10 vjeçare. Tani për tani nuk ka ndonjë kurë specifike për gjendjen e saj.
Për problemet e stomakut, mjekët duhet të siguronin vajzën me një tub ushqyes të lidhur me zorrën e hollë.
“Kam marrë ushqime dhe ilaçe të veçanta nga Amerika për situatën time dhe gjëra të tjera për të zvogëluar problemet e kyçeve. Tani kam shpresë, tani mund të filloj të mendoj për të ardhmen përsëri siç bëjnë vajzat në moshën time. E di që do të duhet ende kohë për trajtimet, por unë dola nga errësira”, tha Israa duke ndarë përvojën e saj edhe përmes rrjeteve sociale. /Insajderi.com
Burimi: HuffPost
