![Atletico Madrid-Barcelona, kryendeshja e javës në La Liga](https://insajderi.com/wp-content/uploads/2021/10/Atketico-Madrid-Barcelona-730x440.jpg)
“Wanda Metropolitano” do jetë stadiumi ku sonte me fillim nga ora 21-00 do të zbarkojnë Atletico Madrid dhe Barcelona.
Kampionët e La Ligas vijnë pas një fitore dramatike të cilën e realizuan në minutat e fundit në ndeshjen ndaj Milanit, shkruan Insajderi.com.
Në anën tjetër, katalunasit në ndeshjen e fundit u turpëruan në Portugali, ku pësuan humbje 3-0 nga Benfica.
Edhe pse në mediat spanjolle u raportua se ky takim do jetë i fundit nën urdhërat e Ronald Koeman, një gjë e tillë duket që nuk është e vertetë pasi, president i klubit, Joan Laporta para ndeshjes ka thënë se Koeman e ka përkrahjen e tij.
![Laporta confirms Koeman will stay](https://www.fcbarcelona.com/photo-resources/2021/06/03/b8444738-a16f-4c05-abd8-5ec5dd33dbd3/laporta-koeman.jpeg?width=1200&height=750)
Ronald Koeman dhe Joan Laporta
“Koeman do te vazhdoj të jetë trajner i Barcelonës varesisht rezultatit të sotëm. Ai meriton besim mbi të gjitha prej te qenurit legjendë. E vlerësoj se si ai ka pranuar të jetë trajner i klubit ne kete kohë të veshtirë” tha Laporta.
Ky takim do jetë interesant edhe për faktin që Antonie Griezzman dhe Luis Suarez që në të kaluarën ishin pjesë e Barces, sonte do jenë kundërshtarë.
![Simeone defends star strikers Suarez and Griezmann after slow start](https://images.beinsports.com/vCK0ZpZt4nMXccBg7GpYRdrdf9c=/full-fit-in/1000x0/antoine-griezmann-of-atletico-madrid-luis-suarez_t5w26bo9hjhs1rexkcd2o3hw1.png)
Griezmnann dhe Suarez
Barcelona, në këtë takim do të jetë pa Pedri Gonzales, Osumane Dembele dhe Kun Aguero të cilët janë të lënduar.
Momentalisht, madrilienët janë në vendin e katërt në tabelë me 14 pikë pas shtatë ndeshjeve të zhvilluara.
Në anën tjetër, blaugranët janë në vendin e tetë, me 12 pikë, por kanë një ndeshje më pak të zhvilluar./Shqip.com