Australia thotë se do të caktojë një hetues special për të shqyrtuar ndjekjet penale mbi krimet e pretenduara të luftës nga ushtarët e saj në Afganistan.
Në vitet e fundit, raportet janë shfaqur duke pretenduar vrasje të paligjshme të civilëve dhe të burgosurve nga ushtarët australian.
Një raport mbi gjetjet nga një hetim ushtarak katër-vjeçar do të publikohet javën e ardhshme.
Kryeministri Scott Morrison paralajmëroi se do të sillte “lajme të vështira për australianët”.
“Ekziston një numër i konsiderueshëm incidentesh ose çështjesh për t’u hetuar më tej dhe se hetimi do të jetë thelbësisht i ndërlikuar,” tha ai të enjten.
Morrison tha se zyra e hetuesit special do të kishte kompetenca për të shqyrtuar raportin e Forcës Australiane të Mbrojtjes (FSHZH) dhe për të emëruar raste për ndjekje penale./Insajderi.com
BBC News
