Bajrami për kthimin e kontrollit të cilësisë së naftës në doganë: Këtë e nisa unë në vitin 2017

Ish-ministrja e Tregtisë dhe Industrisë, Hykmete Bajrami, ka thënë se ndryshimet që kontrolli i cilësisë së naftës të kalohet në dogana ka nisur në vitin 2017,  gjatë kohës sa ajo ishte ministre e këtij dikasteri.

Të premten Ministria e Tregtisë, Ndërmarrësisë dhe Industrisë, njoftoi se janë anuluar disa udhëzime administrative të kontrolit të naftës.

“Së bashku me një ekip të ekspertëve përkundër kundërshtive të mëdha në vitin 2017,  në cilësinë e ministres së Tregtisë dhe Industrisë pata nxjerrë Udhëzimin Administrativ 01/2017 për kalimin e kontrollit të naftës të Doganat e Kosovës”, ka shkruar Bajrami në Facebook.

Për sektorin e naftës ka pasur ankesa se “po krijohet monopol”. /Insajderi.com