Bankat tregtare mbajtën të pandryshuara standardet për kreditë dhënë bizneseve gjatë tremujorit të dytë të vitit 2019.
Banka e Shqipërisë publikoi raportin e vrojtimit për kreditimin, ku citon se, kërkesa për kredi në financimin e nevojave për likuiditet u perceptua më e lartë në tremujorin e dytë. Standardet e kreditimit për individët, në gjykimin e përgjithshëm të bankave, ishin pak më të lehtësuara se një tremujor më parë, si në kreditë konsumatore ashtu edhe në ato për blerjen e banesave.
Kërkesa për kredi për blerje banesash u raportua disi më e lartë. Standardet e kreditimit vlerësohen të mbeten të pandryshuara për bizneset, ndërkohë që ato për individët priten të lehtësohen disi në tremujorin e tretë të vitit 2019.
Banka e Shqipërisë tha se individët priten të shfaqin një kërkesë më të gjallëruar në tremujorin e tretë, nxitur nga kërkesa më e lartë si për kredi konsumatore ashtu edhe për blerje banesash.