Superkupa e Spanjës ka një lojtar yll. Fjala është për Leo Messin. Argjentinasi ka luajtur 15 ndeshje, ka shënuar 12 gola dhe ka fituar 7 tituj në këtë turne. Ai ka marrë pjesë në tetë edicione (akumuluar 1193 minuta) dhe po shkon drejt të nëntit, i treti kundër Real Madridit.
Për më tepër, pushtimi i këtij titulli nga “rosarino” e rrit atë deri në 31 “dafina” me fanellën e Barcelonës, një rekord që e bashkëndan me kapitenin Andrés Iniesta. L
eo Messi e bëri debutimin e tij në Superkupën e Spanjës në sezonin 2006-2007, kundër Espanyol. Ai ishte një zëvendësues në ndeshjen e parë (luajti gjysmë ore). Goli i tij i parë në këtë kompeticion erdhi gjatë ndeshjes së dytë, sezonin 2009-2010, kundër Athletic Club.
Sfida e parë e këtij lloji, në “San Mames”, është humbur nga argjentinasi për shkak të lëndimit (mbingarkesë në adductor dhe paralizim i kofshës së majtë). “10” e Barcelonës ka nënshkruar dy “hat-tricks” (2010-2011 dhe 2011-2012), dy dopieta (2009-2010 dhe 2012-2013) dhe dy herë të tjera ka shënuar nga një gol (2015-2016 dhe 2016-2017).
Ai ka mbetur pa gol dy herë (2006-2007 dhe 2013-2014) dhe nuk ka luajtur fare në edicionin 2005-2006, kundër Betis. Golashënuesi i dytë më i mirë në Superkupën Spanjolle është Raúl González (Real Madrid) me shtatë gola. Hristo Stoiçkov shënoi gjashtë gola, ashtu si Txiki Begiristain (pesë si lojtar i Barcelonës dhe një me fanellën e Deportivo La Coruna).
Për ekip, Messi ka fituar dy Superkupa Spanjolle kundër Sevilla dhe Espanyol, Athletic, Real Madrid dhe Atletico Madrid.
Ai, gjithashtu, fitoi kundër Betis si një lojtar në skuadër, por nuk mundi të luajë në ndeshjen dhe të dytë. Në çdo rast, Messi, në moshën 30-vjeçare, shpreson ta vazhdojë këtë sukses me fanellën e parë të Barcelonës, e cila filloi ta mbrojë këtë trofe më 16 tetor 2004 në një derbi (0-1) në “Montjuïc”, shkruan telesport.
Titulli i kaluar që ai fitoi ishte i 29-ti, në “Vicente Calderón” kundër Deportivo Alavés, në finalen e “Copa del Rey”.
