Bashkimi Evropian, Britania e Madhe dhe Shtetet e Bashkuara, janë zotuar të ndihmojnë Indinë ndërsa vendi lufton me një rritje shkatërruese të infeksioneve COVID-19.
Për të katërtën ditë radhazi, India të dielën shënoi një rekord ditor global të rasteve të reja, nxitur nga një variant i ri tinëzar që u shfaq atje.
Rritja ka minuar pretendimet e parakohshme të qeverisë për fitoren ndaj pandemisë.
349,691 infeksione të reja e çuan totalin e Indisë në më shumë se 16.9 milionë infeksione. Ministria e Shëndetësisë raportoi edhe 2,767 vdekje të tjera në njëzetekatër orët e fundit, duke i shtyrë viktimat e Indisë në 192,311.
Numri i të vdekurve mund të jetë më i madh madh, pasi nuk përfshihen raste të dyshuara dhe shumë vdekje nga COVID-19 po u atribuohen kushteve themelore.
Kriza shtohet nga furnizimet e shkurtra të oksigjenit me familjet e lëna vetë për të transportuar njerëz të sëmurë me COVID-19 nga spitali në spital në kërkim të trajtimit. /Insajderi.com
