Bashkimi Evropian ka filluar procedurat ligjore kundër Mbretërisë së Bashkuar pasi nuk arriti të tërhiqte legjislacionin që do të shkelte marrëveshjen e Brexit që të dy palët nënshkruan vitin e kaluar dhe shkelin ligjin ndërkombëtar, shkruan CNN, transmeton Insajderi.
Njoftimi vjen pas javësh polemikash që kur qeveria e Boris Johnson zbuloi planet e saj për të vendosur legjislacionin që do të mbizotëronte një pjesë të veçantë të “Marrëveshjes së Tërheqjes” të quajtur “Protokolli i Irlandës së Veriut”.
Duke folur në Bruksel, Ursula von der Leyen, Presidente e Komisionit të BE, tha se BE e kishte ftuar Mbretërinë e Bashkuar të “hiqte pjesët problematike të projekt-ligjit të tyre të tregut të brendshëm deri në fund të shtatorit”.
Ajo tha se projektligji është “një shkelje e mirëbesimit të përcaktuar në Marrëveshjen e Tërheqjes”, duke shtuar se “do të jetë në kundërshtim të plotë” me Protokollin e Irlandës së Veriut.
Protokolli u dakordua në mënyrë që të eleminonte nevojën për kontrolle kufitare midis kufirit të vetëm tokësor të ndarë nga BE dhe MB në ishullin e Irlandës.
Meqenëse qeveria e MB nuk e ka tërhequr këtë legjislacion, Komisioni i ka shkruar një letër njoftimi qeverisë së MB, hapi i parë në një procedurë shkeljeje – diçka që BE e përdor zakonisht kur palët shkelin marrëveshjet me unionin. /Insajderi.com
