Komisioni Europian vendosi sot një gjobë prej 570 milionë euro ndaj ”Mastercard”.
Arsyeja e gjobitjes është rritja në mënyrë artificiale e kostove të pagesave me kartë, në dëm të konsumatorëve dhe rrethit të biznesmenëve të BE-së.
Rregullator i konkurrencës në BE, Komisioni vlerësoi se ”Mastercard” ka penguar aksesin e tregtarëve në shërbimet ndërkufitare për pagesat me kartë, duke shkelur në këtë mënyrë rregullat në lidhje me abuzimet e pozitës dominuese.