![Berlusconi dërgohet me urgjencë në spital](https://insajderi.com/wp-content/uploads/2017/04/berlusconi1-730x440.jpg)
Ish-presidentit të Milanit dhe ish-kryeministrit të Italisë, Silvio Berlusconi i ka ndodhur një incident në shtëpinë e tij në Portofino.
Lideri i Forza Italia është rrëzuar dhe ka përplasur kokën, pasi është penguar në një tapet brenda shtëpisë.
Fatmirësisht nuk ka pasur asgjë të rëndë, por duke pasur parasysh edhe moshën e 80-vjeçarit, Berluskoni është transferuar me urgjencë në Milano, në klinikën Madonnina, ku i janë bërë edhe tri qepje.
“Asgjë me rëndësi, gjëra pa zarar”, komentoi mjeku i tij, profesor Alberto Zangrillo.