Presidenti amerikan, Joe Biden, ka thënë që paraardhësit të tij Donald Trump nuk duhet t’i jepet akses në informimet e inteligjencës për shkak të “sjelljes së tij të çrregullt”.
Shtetete Bashkuara të Amerikës kanë një traditë për të lejuar ish-presidentët të informohen për çështjet e sigurisë së vendit – si një mirësjellje e dhënë nga aktuali në detyrë.
Por kur u pyet nga CBS News nëse Trump do të merrte të njëjtën mirësjellje, presidenti Biden tha: “Unë mendoj se jo”.
Ai përmendi “sjelljen e çrregullt” të Trump-it si arsyen e tij për refuzimin e hyrjes.
“Unë nuk mendoj se ka ndonjë nevojë që ai të ketë një informim të inteligjencës,” tha Biden në intervistën e tij të parë ulur që kur u bë president.
Ai nuk pranoi të spekulonte se cilat do të ishin frika e tij më e keqe nëse Trump do të lejohej të shihte raporte të klasifikuara, por ai sugjeroi që ish-presidenti nuk mund të besohej për të mbajtur informacione konfidenciale për vete.
“Çfarë vlere po i jep atij një përmbledhje të inteligjencës? Çfarë ndikimi ka ai, përveç faktit që ai mund të rrëshqasë dhe të thotë diçka?” tha Biden. /Insajderi.com
