Kundërshtarët e presidentit bjellorus Alexander Lukashenko janë vendosur të mblidhen për një ditë tjetër proteste në Minsk kundër zgjedhjeve të fundjavës së kaluar.
“Marshi për Lirinë”, i planifikuar për të dielën pasdite, vjen si reagim për manipulimin e pretenduar të sondazhit dhe dhunën e policisë në protestat pasuese, shkruan CNN, transmeton Insajderi.
Ndërkohë, kolonat e autobusëve janë parë duke mbledhur përkrahës të Lukashenko-s për tubimin e tyre në qytet.
Raportet thonë se disa punonjës të sektorit shtetëror janë detyruar të marrin pjesë.
Tubimet po zhvillohen pasi Lukashenko tha që Rusia kishte pranuar të ofronte ndihmë të sigurisë në rast të kërcënimeve ushtarake të jashtme.
Lukashenko gjithashtu shprehu shqetësime për ushtrimet ushtarake të Nato-s që po zhvillohen në Poloninë dhe Lituaninë fqinje.
Trazirat shpërthyen pasi Lukashenko fitoi në zgjedhjet e javës së kaluar, rezultati i të cilave u dënua mes akuzave të përhapura për manipulime votash.
Komisioni Qendror i Zgjedhjeve thotë se Lukashenko, i cili ka qenë në pushtet që nga viti 1994, fitoi 80.1% të votave dhe kandidatja kryesore e opozitës Svetlana Tikhanovskaya fitoi 10.12%.
Por Tikhanovskaya këmbëngul se aty ku u llogaritën votat siç duhej, ajo fitoi mbështetje duke filluar nga 60% deri në 70%. /Insajderi.com
