Autoritetet britanike e kanë ngritur nivelin e kërcënimit nga terrorizmi në vend në “të rëndë” pasi shpërthimi i një taksie jashtë një spitali u cilësua si një incident terrorist.
Autoritetet besojnë se një sulm ka shumë të ngjarë.
Ai vjen një ditë pas një shpërthimi në Spitalin e Grave në Liverpool, për të cilin Russ Jackson, kreu i Policisë Kundër Terrorizmit në Anglinë veriperëndimore, tha se përfshinte një pajisje shpërthyese të improvizuar.
Kryeministri Boris Johnson e përshkroi sulmin si “të pështirë” gjatë një konference televizive për shtyp të hënën pasdite, e thirrur fillimisht për të diskutuar mbi pandeminë COVID-19.
“Por ajo që dje tregoi mbi të gjitha është se populli britanik nuk do të mashtrohet kurrë nga terrorizmi. Ne kurrë nuk do të dorëzohemi para atyre që kërkojnë të na ndajnë me akte të pakuptimta dhune dhe liritë tona dhe mënyra jonë e jetesës do të mbizotërojnë gjithmonë.” ai shtoi.
Shpërthimi i mëngjesit të së dielës vrau pasagjerin mashkull të taksisë dhe plagosi shoferin. /Insajderi.com
