Portieri i Juventusit, Gianluigi Buffon ka shkuar në 746 minuta pa pësuar gol në kampionatin italian duke e thyer rekordin që e mbante vet më heret.
Një arritje që ka nis nga minuta e 64’ e sfidës në Genoa ndaj Sampdorias, kur Antonio Casano kaloi portierin italian në fund me 1-2, ishte 10 janar dhe prej atij goli asnjë tjetër s’u pësua më nga ikona e klubit juventin.
Udinese, Roma, Chievo, Genoa, Frosinone, Napoli, Bologna dhe Inter skuadrat me të cilat është përballur. Bufon ngjitet në vend të gjashtë të podiumit të kampionatit Italian: me 746 minutat e tij kalon Markeganin (Lacio 1997/1998) dhe synon podiumin e madh.
Nëse s’do të pësonte ndaj Atalantës, do të kalonte Pinaton (757′, Atalanta 1996/1997), Pelicolin (774′, Roma 2003/2004) dhe Da Poco (791′, Genoa 1963/1964), duke iu afruar legjendës Dino Zof (903 minuta në Juve 1972/1973) dhe Sebastiano Rosit, 929 minuta ish portieri i Milanit, sezoni 1993-94.
