Udhëzimet e reja për vetë-izolimin prej Qendrave për Kontrollin dhe Parandalimin e Sëmundjeve (CDC) thonë se ju mund të shkurtoni 14 ditshin në shtatë ose 10 ditë – me disa masa paraprake shtesë, shkruan Self, transmeton Insajderi.
Që nga fillimi i pandemisë, CDC dhe autoritetet e tjera shëndetësore kanë rekomanduar karantinën për 14 ditë pas ekspozimit ndaj dikujt me Coronavirus. Kjo sepse ne e dimë që mund të duhen deri në 14 ditë që dikush me infeksion të fillojë të shfaqë simptoma dhe sepse e dimë që njerëzit ende mund të përhapin infeksionin pa pasur simptoma të dukshme.
Por ekspertët gjithashtu pranojnë që shumica e njerëzve që do të zhvillojnë simptoma të Coronavirusit e bëjnë këtë midis pesë dhe gjashtë ditësh pas ekspozimit, thotë Organizata Botërore e Shëndetësisë.
Pra, megjithëse një karantinë për 14 ditë të plota është akoma ideale, nuk ka të ngjarë të jetë plotësisht e nevojshme për shumicën e njerëzve që janë të ekspozuar.
Duke e ditur atë, dhe duke kuptuar që një karantinë më e gjatë i vë një barrë të rëndë individit dhe burimeve lokale të shëndetit publik, CDC do të prëditësojë udhëzimet e saj të karantinës këtë javë për të ofruar dy “periudha alternative të pranueshme karantine”, Henry Walke, MD, COVID- 19 menaxher i incidenteve për CDC, tha në një telefonatë për shtyp. /Insajderi.com
