Ndeshja Spanjë-Kosovë ka marrë një vëmendje të madhe mediatike ditët e fundit. Federata spanjolle komunikoi më parë se nuk do të lejonte të intonohej himni i Kosovës si dhe shpalosja e flamurit të saj. Kjo solli edhe reagimin e menjëhershëm të FFK-së, duke bërë që në shtetin iberik të tërhiqen pas vendimit të tyre, njofton Insajderi.
Por kjo sfidë ka marrë tashmë përmasa politike. Është deputeti francez, Thierry Mariani, ai i cili ka shpërndarë në llogarinë e tij në “Twitter” një artikull të “Sofoot” dhe sipër tij shkruan: “Nëse Komisioni Europian ëndërron të sjellë Kosovën në Bashkimin Evropian, futbolli na kujton se pesë vende europiane për fat të mirë ende refuzojnë të njohin këtë territor të marrë nga Serbia si një shtet i pavarur”. /Insajderi.com
Si la Commission Européenne rêve de faire entrer le #Kosovo dans l’Union Européenne, le #Football nous rappelle que 5 pays européens refusent heureusement toujours de reconnaître à ce territoire enlevée à la #Serbie,le statut d’Etat indépendant. https://t.co/uz4Jd038Ot
— Thierry MARIANI (@ThierryMARIANI) March 11, 2021
