Janë disa gjëra të vogla, por aq të veçanta që e bëjnë Japoninë një vend shumë të këndshëm për banorët e saj.
Ngjitëse makinash për personat me aftësi të kufizuara.
Simboli Ndërkombëtar i Hyrjes është një etiketë me një person në karrocë, por Japonia zgjedh të përdorë një tërfil me 4 fletë për një shofer me aftësi të kufizuara shkruan Bright Side, transmeton Insajderi. Arsyeja është të shmangni çdo konfuzion që e bën njeriun të mendojë se të gjithë personat me aftësi të kufizuara përdorin një karrocë.
Meqenëse një tërfil me 4 fletë zakonisht konsiderohet me fat sepse nuk është shumë i zakonshëm, simboli jep idenë e të qenit unik.
Ngjitëse makinash për shoferë të moshuar.
Rekomandohet për shoferët që janë 70-vjeçarë ose më të vjetër të përdorin shenjën e makinës së të moshuarve (ose shenjën Kōreisha), veçanërisht nëse mosha e tyre mund të ndikojë në ngasjen e tyre.
Drejtuesit e automjeteve të moshës 75 vjeçare e lart duhet të shfaqin këtë shenjë. Në këtë mënyrë, shoferët e tjerë mund të jenë të vetëdijshëm dhe të jenë më të vëmendshëm ndaj shoferit të moshuar.
Pasja e kësaj ngjitëseje gjithashtu u jep shoferëve të drejtën për të parkuar në një vend parkimi të rezervuar.
Bexhi i shtatzënisë për gratë shtatzëna.
Një bexh shtatzënie me, “Kam një foshnje në bark”, e shkruar në të mund të shfaqet nga zonjat shtatzëna në mënyrë që udhëtarët e tjerë të mund të lirojnë vendet e tyre për gratë në trenat e mbushur me njerëz. Kjo është për ta bërë shtatzëninë pak më të lodhshme dhe stresuese.
Alfabeti Braj në pajisjet që përdorin çdo ditë.
Përdorimi alfabetit braj për të verbrit në Japoni është mjaft i gjerë. Ata kanë alfabetin në kanoçe për të ndarë alkoolin dhe pijet e tjera, në butonat e tualetit, në harta, në numrat e sediljeve në tren, në makinat e monedhave, madje edhe në shishet me ngjitës.
Vija të verdha në trotuare për të udhëhequr të verbrit.
Frymëzuar nga alfabeti braj, Seiichi Miyake krijoi linjat e verdha të prekshme. Ato janë të verdha në mënyrë që të mund të dallohen lehtësisht nga njerëzit me probleme të të pamurit. Pikat duhet të paralajmërojnë për rrezik përpara, ndërsa shiritat e gjatë duhet t’u japin drejtim të verbërve.
Mbajtëse me dry për ombrellën tuaj.
Disa vende në Japoni ofrojnë dollapë për çadra në mënyrë që ta lini kur ju duhet dhe ta gjeni prapë kur të ktheheni. Ju më pas mund të lëvizni më lehtë në ndërtesë pa nxitur të tjerët. Për më tepër nuk do të keni pse të shqetësoheni se po rridhni ujë brenda ndërtesës.
Kabinat telefonike publike janë të përshtatshme edhe për personat në karrocë.
Edhe sot, ku telefonat e mençur përdoren gjerësisht, Japonia ende mban telefonat e saj me pagesë në rast fatkeqësish natyrore. Këto telefona publik shpesh vendosen më poshtë se niveli i syve që edhe njerëzit në karrocë të mund t’i përdorin.
Ngjitëse makinash për personat me dëgjim të kufizuar.
Kjo ngjitëse është bërë me qëllim që të tjerët të kenë konsideratë për një shofer me dëgjim të kufizuar. Simboli përfaqëson veshët si flutur, sepse fjala ‘dëgjoj’ në japonisht është ‘chou’ kur dyfishohet bëhet fjala flutur ‘chouchou’.
Flamuj të verdhë për fëmijët që kalojnë nëpër rrugë të ngarkuara.
Meqenëse fëmijët në Japoni shpesh udhëtojnë vetë, atyre do t’u duhet të kalojnë rrugën pa mbikëqyrjen e të rriturve. Flamujt e verdhë për të njoftuar shoferët se dikush po kalon janë në dispozicion në trotuaret e rrugëve më trafik të ngarkuar. Fëmijët mund t’i përdorin këto dhe t’i kthejnë në një kosh në anën tjetër të rrugës.
Qese që mund t’i hanë edhe drerët.
Qeset janë bërë nga kartona qumështi dhe krunde orizi për t’i mbajtur të sigurt drerët në Japoni të mos hanë paketimet plastike që hedhin turistët.
Edhe pse ka pasur një rënie në turizëm kohët e fundit, disa firma po punojnë së bashku për të mbrojtur thesaret e tyre natyrore. /Insajderi.com
