![Cikalleshi realizon në barazimin e Konyaspor me Basaksehir](https://insajderi.com/wp-content/uploads/2021/03/156646581_3363710717063744_6275906829732535190_o-730x440.jpg)
Sokol Cikalleshi ka shënuar sërish gol për Konyaspor në Turqi, këtë herë ndaj Basaksehir, me ekipin që ka përfaqësuar disa kohë më pare, njofton Insajderi.
Sulmuesi shqiptar realizoi në minutën e 79-të të takimit pas krosimit të Zymer Bytyqit.
Mënyra sesi ky futbollist e dërgon topin në rrjetë është e njëjta, për të tundur rrjetën kundërshtare me kokë. Por këtë herë Cikalleshi nuk mund të ishte heroi i tre pikëve pasi shifrat janë barazuar në 1-1 nga Demba Ba në minutën e 85-të, rezultat me të cilin u mbyll takimi.
Te Konyaspor, përveç Cikalleshit dhe Bytyqit, gjithashtu aktivizohet edhe shqiptari nga Maqedonia e Veriut, Erdon Daci. /Insajderi.com
⚽️Gol! Başakşehir 0-1 Konyaspor
79' Cikalleshi.S pic.twitter.com/ZfqEVlplG4
— GOALFORZA2 (@GoalForza2) March 3, 2021