Kryeministri i Italisë, Giuseppe Conte ka deklaruar se në luftën kundër pandemisë, diagnostikimi, trajtimi dhe qasja në vaksina duhet të garantohet për të gjitha shoqëritë e botës dhe se këto janë të drejtat e të gjithëve, transmeton Insajderi.
Conte i cili mori pjesë në sesionin e parë të Samitit të Liderëve të G20 e cila zhvillohet nëpërmjet video-konferencës në organizim të Arabisë Saudite në fjalimin e tij foli për luftën kundër koronavirusit.
“Diagnostikimi, trajtimi dhe qasja në vaksina duhet të sigurohet për të gjithë shoqëritë e botës. Për Italinë këto janë prani globale dhe këto janë e drejtë e të gjithëve dhe jo privilegj vetëm i disa personave. Duke bërë investim në shëndetësinë publike duhet të përballemi me sprovat e tmerrshme që shkakton COVID-19, gjë të cilat janë edhe një detyrim moral dhe shoqëror”, tha Conte.
Ai tha se pritet që G20 të reflektojë angazhimin e saj për shërim të shpejtë na kriza pandemike. “Në të njëjtën mënyrë edhe njerëzia duhet të gjejë zgjidhje për shumë çështje që nga pabarazia me të cilën lufton sot e deri në ndryshimet klimatike. Ne duhet të jemi në unitet, të krijojmë risi dhe normalitet më të mirë lidhur me këtë krizë”, tha kryeministri italian, raporton Anadolu Agency (AA).
Lidhur me presidencën e radhës që do të marrë përsipër pas Arabisë Saudite, Conte tha se do të ndjekin rezultatet që do dalin nga Samiti i Rijadit dhe se për të përballuar krizën ekonomike do të inkurajojnë një përpjekje të koordinuar kryesisht me vendet e pambrojtura.
Conte theksoi se Italia do të bëjë atë që i takon për të kapërcyer boshllëqet aktuale të rëndësishme financiare dhe për të forcuar sistemet shëndetësore në nivel global. /Insajderi.com
