Cristiano Ronaldo gjatë së hënës ka kryer testet mjeksore në Lisbonë dhe shumë shpejtë pritet të nënshkruaj kontratën dhe të prezantohet si futbollisti më ri i Manchester United.
Ajo çka është problem për momentin janë vetëm disa detaje të vogla mbi vizën e 36-vjeçarit dhe më pas do të udhëtoj drejt Anglisë për tu prezentuar si futbollist i United, kjo për faktin se Anglia ka dalë nga Bashkimi Evropian.
“Djajtë e Kuq” kanë arritur marrëveshje me Juventusin për transferimin e portugezit për 24 milionë euro.
Ndërsa, Ronaldos do t’i ofrohet kontratë dy-vjeçare me mundsi zgjatje edhe për një vit tjetër.
36-vjeçari do të fitojë 480 mijë paund në javë duke u bërë futbollisti më i paguar i Premier League.
Ylli portugez ishte shumë afër kalimit te Manchester City, por ndërhyrja e legjendave të “Djajve të Kuq” si Alex Ferguson dhe Rio Ferdinand, bënë që Ronaldo të ndërroi drejtim./Insajderi.com
