Trajneri i kombëtares shqiptare, Xhani De Biazi, ka komentuar për mikrofonin e TV8 dy nga afrimet thuajse të sigurta të Milanit në merkaton e verës, mbrojtësit Mateo Muzakio dhe Rikardo Rodrigez.
Ai ka zbuluar se ka tentuar ta afrojë Muzakion edhe te kombëtarja kuqezi duke qënë se argjentinasi ka rrënjë të origjinës shqiptare.
“Muzakio më pëlqën. Biles e kam ndjekur dhe nga afër, i kam dërguar mesazhe, sepse ka prindër shqiptarë dhe doja ta afroja në kombëtare. Ndërsa Rodrigez më pëlqen shumë. Është zviceran, ka eksperiencë, karizëm dhe potencë fizike. Është një lojtar i gatshëm”, tha De Biazi.(Panorama Sport)
