Një deklaratë është publikuar nga agjencia shtetërore e lajmeve siriane, e cila thotë se “agresioni trepalësh” filloi në orën 03:55 të kohës reale të Damaskut dhe përfshiu rreth 110 raketa, të cilat kanë goditur brenda Sirisë.
Deklarata e publikuar në agjencinë e lajmeve në Siri mëngjesin e së shtunës, thotë se mbrojtja ajrore siriane u përgjigj ndaj sulmeve, kështu duke shkatërruar një pjesë të madhe të raketave që u lëshuan nga koalicioni,
“Disa prej raketave arritën në Barezh. Aty ka pasur laboratorë shkencore dhe një qendër edukimi, por që SHBA’ja ka pretenduar se ishte objekt kërkimi për armët kimike”.
Deklarata tha gjithashtu se raketa të tjera që synonin të godisnin një bazë ushtarake pranë Homs u ndërprenë dhe shpërthyen. Agjencia thotë se nga kjo mbetën të plagosur tre civilë, transmeton Gazeta Express.
Deklarata thotë se ushtria siriane do të vazhdojë të luftojë kundër “terrorizmit”.
