Në postimin e fundit të Cheng Lei në WeChat para se ajo të zhdukej, drejtuesja televizive shtetërore kineze pozoi me një fustan të gjelbër jashtë degës së sapohapur në Pekin të zinxhirit të restoranteve Amerikane, shkruan CNN, transmeton Insajderi.
Kjo ishte më 12 gusht. Cheng, një shtetase australiane, nuk është parë që nga ajo kohë. Të hënën, Canberra tha se kishte marrë një “njoftim zyrtar” për ndalimin e saj, dy ditë pas postimit të saj të fundit të njohur në rrjetet sociale.
Është e paqartë se çfarë e shtyu saktësisht dënimin e Cheng. Ajo ishte një prezantuese për transmetuesin shtetëror CGTN, i cili që atëherë ka hequr të gjitha referencat e saj nga faqja e saj në internet dhe mediat sociale.
CGTN është krahu ndërkombëtar i CCTV, një nga pikat më të rëndësishme të propagandës në Kinë, që mbart të gjitha ngjarjet dhe njoftimet kryesore të qeverisë dhe Partisë Komuniste. Ndryshe nga toni më i ashpër ose nacionalist në media të shkruara të mbështetura nga shteti kinez, CCTV, dhe veçanërisht CGTN në gjuhën angleze, ka qenë tradicionalisht më i përmbajtur.
Në kohën e saj të lirë, Cheng ishte aktive në komunitetin australian në Pekin. Duke folur për stacionin radiofonik të Sidneit 2 GB të martën, Ministrja e Jashtme Australiane Marise Payne nuk mund të thoshte pse Cheng është arrestuar që prej 14 gusht, por përshkroi idenë që Cheng mund të përdorej nga Kina si një peng në përkeqësimin e marrëdhënieve midis dy vendeve si “spekulative në rastin më të mirë “.
Marrëdhënia midis Australisë dhe Kinës është përkeqësuar muajt e fundit pasi Canberra bëri thirrje për një hetim në origjinën e pandemisë së Coronavirusit dhe vendet janë përfshirë në kufizime të tregtisë.
Kjo ka bërë që disa në mediat australiane të spekulojnë se ndalimi i Cheng-ut mund të ketë natyrë politike. /Insajderi.com
