Frank Lampard mendon se sulmuesi i Chelsea, Diego Costa, ka dëshmuar se është një nga lojtarët më të mirë në botë, ndërsa dyshon se Alvaro Morata mund ta ketë të vështirë ta zëvendësojë atë.
Costa pritet të largohet nga Chelsea për Atletico Madrid në javët e ardhshme, pasi u prish me trajnerin Antonio Conte, pavarësisht se palët punonin së bashku për të siguruar titullin e Premier League sezonin e kaluar.
Morata i është bashkuar Chelsea për një lëvizje prej 68 milionë funte nga Real Madridi, por Lampard mendon se mungesa e Costa mund të ndihet ende, pavarësisht nga investimi i madh.
“Unë jam një tifoz i madh i Diego Costa, nuk e nënvlerësoj atë dhe nuk mendoj se ndonjë tifoz i Chelsea do ta bëjë këtë,” tha Lampard, i cili tani punon si një ekspert i futbollit në “BT Sport”.
“ Unë mendoj se Costa ishte popullor atje për shkak të sulmuesit të gjithanshëm që është, ai qëndron lart me më të mirët në botë sa i përket një njeriu të madh. Ai mund të jetë një objektiv i kujtdo, drejton vijën sulmuese dhe mund të shënojë gola. Costa mund të jetë një problem i qëndrueshëm për çdo mbrojtës. Ai nuk është i lehtë për t’u zëvendësuar”, ka thënë ai, njofton telesport.
“Ardhja e Morata ka qenë një lëvizje e madhe. Eshtë një finalist i mirë, shënoi rreth 20 gola sezonin e kaluar me Real Madridin. Sidoqoftë, Chelsea do të ketë nevojë për sulmuesin e vet kryesor këtë vit”.
