Kapiteni i PSG-së, Thiago Silva, thotë që skuadra e tij ka synim fitimin e Ligës së Kampionëve dhe se për këtë objektiv së pari duhet mposhtur Chelsea.
Mbrojtësi u shpreh optimist para duelit duke u shprehur i bindur që do ta fitojnë këtë ndeshje.
“Si kapiten i skuadrës duhet të them që jemi afër dhe gati ta mposhtim Chelsean, dhe më pas ta fitojmë trofeun e Champions”, tha braziliani Silva, i cili asnjëherë më parë nuk e ka fituar këtë trofe.
Silva thotë që skuadra është e bashkuar dhe kur ai flet të gjithë e dëgjojnë, kjo sipas tij tregon harmonin dhe përkushtimin që mbizotëron në Paris, raporton Telegraph.
“Kur unë flas të gjithë dëgjojnë dhe kjo më jep kënaqësi, madje edhe Ibrahimovic i cili ka një personalitet të fortë, më dëgjon kur unë i flas”, shtoi kapiteni I PSG-së.
PSG dhe Chelsea do të takohen të martën në “Parc de Princes” në Paris, në fazën e 1/8 së finales në Ligën e Kampionëve.
Të dyja ekipet janë ndeshur edhe sezonin e kaluar, me PSG që kaloi tutje për tu mposhtur nga Barcelona në çerek-finale./Insajderi
