Eksperti i viruseve Dr Anthony Fauci ka kritikuar Shtëpinë e Bardhë për mbledhjen e mbajtuar muajin e kaluar që është ndërlidhur me një shpërthim të Covid-19.
Dr. Fauci, një anëtar i task forcës së Koronavirusit në Shtëpinë e Bardhë, tha se ngjarja e nominimit të Presidentit Donald Trump në Gjykatën e Lartë ishte një “ngjarje ku u përhap virusi”, shkruan BBC, raporton Insajderi.
Të paktën 11 njerëz që morën pjesë aty dolën pozitiv.
Trump është duke u rikuperuar nga Covid-19.
Trump ka shprehur skepticizëm në lidhje me masa ndaj Covid, si maska dhe karantina për të luftuar përhapjen e Covid-19, që ka vrarë më shumë se 213,000 njerëz në SH.B.A.
Ai ka folur mbi mundësinë e vaksinës, megjithëse studiuesit thonë se kjo nuk ka gjasa të ndodhë më herët para vitit të ardhshëm./Insajderi.com
