Shkolla private “Alsalamskolan” ku arsimoheshin fëmijët myslimanë në qytetin Orebro të Suedisë është përfshirë nga zjarri, transmeton Insajderi.
Drejtori i shkollës, Hussein Aldaodi në një deklaratë për televizionin shtetëror suedez STV tha se në pamjet e kamerave të sigurisë kanë regjistruar dy persona që i kanë vënë zjarrin shkollës dhe se këto pamje i janë dorëzuar policisë, raporton Anadolu Agency (AA).
“Në pamje shihet se dy persona të maskuar thyejnë xhamin në katin e poshtëm të shkollës dhe hedhin brenda saj lëndë djegëse. Ngushëllimi ynë i vetëm është që në shkollë nuk ishte askush për shkak se ngjarja ndodhi në orët e para të mëngjesit”, tha Aldaodi.
Policia kreu inspektimet në shkollë dhe filloi hetime lidhur me incidentin. /Insajderi.com
