Aventura në Madrid ka qenë për tu harruar deri më tani për belgun Eden Hazard. I konsideruar si një nga më të mirët në botë në rolin e tij, belgu pritej të bënte diferencën me fanellën e “los blancos”, njofton Insajderi.
Por për fatin e tij të keq atë fanellë e ka veshur rrallë përgjatë këtyre viteve. Hazard është khtyer në një rast studimi në Spanjë, teksa më shpesh është parë i dëmtuar se sa aktiv në fushën e lojës.
Lëndimet duket se janë bërë pjesë e pandashme e tij në Madrid, aty ku ka rënë përsëri pre e tyre. Klubi spanjoll konfirmon se lojtari i tyre rezulton me një dëmtim muskuli në rektusin e përparmë të majtë.
Kjo pritet ta mbajë për disa javë deri në muaj jashtë fushave belgun, që edhe këtë sezon duket se do të vuajë stolin te Reali i Madridit. /Insajderi.com
