Instagram po hetohet nga Komisioneri i Mbrojtjes së të Dhënave të Irlandës (DPC) lidhur me trajtimin e të dhënave personale të fëmijëve në platformë.
Pronari i Facebook mund të përballet me një gjobë të madhe nëse Instagram zbulohet se ka thyer ligjet e privatësisë.
Hetimet burojnë nga ankesat që Instagram i bëri publike informacionet e kontaktit në llogaritë e biznesit për këdo që hyn në aplikacion.
BBC i është drejtuar Facebook-ut për të komentuar.
Një numër i gjigandëve të teknologjisë amerikane kanë selinë e tyre evropiane në Irlandë dhe DPC është rregullatori kryesor i Bashkimit Evropian nën Rregulloren e Përgjithshme të Mbrojtjes së të Dhënave të BE (GDPR), e cila hyri në fuqi në 2018.
DPC është përgjegjëse për mbrojtjen e të drejtës së individëve për privatësi në internet dhe ka fuqinë të lëshojë gjoba të mëdha.
Rregullatori Irlandez po heton nëse Facebook ka një bazë ligjore për përpunimin e të dhënave personale të fëmijëve dhe nëse përdor mbrojtje dhe kufizime adekuate në Instagram për fëmijët.
Poashtu veçmas kësaj, po shqyrton gjithashtu nëse Facebook ka respektuar kërkesat e GDPR në lidhje me profilin e Instagram dhe cilësimet e llogarisë. Po heton nëse Facebook po mbron në mënyrë adekuate të drejtat e mbrojtjes së të dhënave të fëmijëve si persona të prekshëm.
Mosha minimale për të pasur një llogari në Instagram është 13 vjeç./Insajderi.com
Burimi: BBC News
