Skuadrat finaliste të turneut “Final 8” të Kupës së Kosovës në basketboll, do të përcaktohen të premten kur edhe zhvillohen dy ndeshjet gjysmëfinale të kësaj gare, transmeton Insajderi.
Në gjysmëfinalen e parë që nis prej orës 16:00, do të takohen Rahoveci dhe Golden Eagle Ylli, ndërsa prej orës 19:00 do të luhet dueli ndërmjet Ponte Prizrenit dhe Sigal Prishtinës, raporton Koha.
Ndeshja finale në konkurrencën e meshkujve do të zhvillohet të dielën prej orës 17:30, ndërsa prej orës 14:00, do të luhet finalja e femrave në të cilën do të përballen KosovaHome Prishtina dhe Bashkimi.
Ndryshe, vitin e kaluar këtë garë e ka fituar skuadra e Pejës, e cila është eliminuar nga Prishtina.sp, në çerekfinalen e mbajtur mbrëmë. /Insajderi.com
