Shefja e Fondit Monetar Ndërkombëtar paralajmëroi se tensionet tregtare dhe pasiguritë që mund të vijnë mund të ulin 0,8 % Bruto Produktin Vendor të botës brenda vitit të ardhshëm.
”Ekonomia globale është në një ngadalësim të sinkronizuar”, tha drejtoriesha e FMN-së, Kristalina Georgieva, në përfundim të një tryeze të rrumbullakët me kryeministrin kinez Li Keqiang dhe krerët e pesë organizatave të tjera ndërkombëtare në Pekin.
”Pothuaj 90% e BPV-së botërore po ngadalësohet në krahasim me vitin e kaluar, ndërsa para dy vjetëve para luftës tregtare ishte 75%”, deklaroi Georgieva.
FMN pret që ekonomia e Kinës të rritet me 6,1 % këtë vit dhe të rrëshqasë nën 6% vitin e ardhshëm.
Ekonomia e dytë më e madhe në botë ka ngadalësuar rritjen në tremujorin e tretë të vitit me ritmin e saj më të ngadaltë në gati tre dekada, në 6%, nën presionin e rritjes së borxhit dhe luftës tregtare me Shtetet e Bashkuara të Amerikës.
