Për shkak të Coronavirusit brenda 24 orëve të fundit në Francë kanë humbur jetën 199 persona, transmeton Insajderi.
Instituti i Shëndetit Publik të Francës njoftoi se numri i përgjithshëm i vdekjeve nga Coronavirusi në vend ka shkuar në 108.908.
Numri i rasteve të konfirmuara me COVID-19 po ashtu ka arritur në 5.609.050, me 3.155 raste të reja të regjistruara.
Aktualisht në spitalet e Francës trajtohen 19.430 pacientë të infektuar me COVID-19, përfshirë 3.447 në kujdes intensiv. Ndërsa norma e rasteve pozitive nga testet e dyshuara për COVID-19 ka shënuar rënie në 3,5 për qind.
Sipas shifrave të Ministrisë së Shëndetësisë, që nga 27 dhjetori i vitit 2020 janë vaksinuar 23.713.679 persona, përfshirë 9.914.533 persona të cilët tashmë kanë marrë edhe dozën e dytë të vaksinës. /Insajderi.com
