“Natyra në Kazakistan është ‘very nice’. Ushqimi është ‘very nice’. Dhe njerëzit, përveç shakave të Boratit, janë ‘very nice’”, tha zëvendës-shefi i dikasterit të Turizmit në Kazakistan, Kairat Sadvakassov.
Bordi për Turizëm në Kazakistan e ka adoptuar frazën e famshme “very nice” (shumë mirë) të karakterit fiktiv Borat, në reklamat e tyre për turizmin, njofton Insajderi.
Fraza përdoret nga karakteri Borat, një gazetar fiktiv kinse nga Kazakistani.
Fillimisht personazhi i Boradit kishte ngjallur reagime të shumta në Kazakistan, dhe autoritetet atje kishin kërcënuar se do ta padisin aktorin britanik Sacha Baron Cohen që luan rolin e Boratit.
Por, tani bordi i turizmit e ka shfrytëzuar frazën e Boratit për të bërë fushatë-marketing për Kazakistanin.
Janë lëshuar një numër i videove të shkurtra ku njerëzit përdorin frazën e bërë të famshme nga Borat – “very nice”.
“Natyra në Kazakistan është ‘very nice’. Ushqimi është ‘very nice’. Dhe njerëzit, përveç shakave të Boratit, janë ‘very nice’”, tha zëvendës-shefi i dikasterit të Turizmit në Kazakistan, Kairat Sadvakassov, shkruan BBC, njofton Insajderi.
Bordi i Turizmit ishte shtyrë ta përdoret frazën e Boratit nga amerikani, Dennis Keen dhe shoku i tij, Yermek Utemissov. Ata erdhën me këtë ide dhe prodhuan reklamat./Insajderi.com
