Mediat ndërkombëtare vazhdojnë të jenë të mahnitura me Kombëtaren e Kosovës në futboll, dhe përkrahjen e madhe që i bëhet kombëtares.
Kosova mbrëmë pësoi humbje 2:1 nga Çekia në Plzen, duke e përjashtuar kështu mundësinë e kualifikimit në Kampionatin Evropian përmes fazës së grupit, shkruan Insporti
Por, “Dardanët” do të ketë mundësinë tjetër, përmes fazës së play-offit në muajin mars, ku fillimisht do të ndeshet me Maqedoninë e Veriut.
Në prag të ndeshjes me Malin e Zi muajin e kaluar në “Fadil Vokrri” (të cilën Kosova e fitoi 2:0), gazetari James Montague ka përgatitur një reportazh për median e njohur ndërkombëtare, Bleacher Report, ku paraqitet pasioni i tifozëve për futbollin në Kosovë si dhe historiku i kombëtares dhe i shtetit të Kosovës.
Montague ishte i pranishëm në “Fadil Vokrri”, më 14 tetor kundër Malit të Zi, dhe gjendej në tribunën veriore së bashku me tifozët ultras të kombëtares, tifo-grupin “Dardanët”, derisa përreth kryeqytetit kishte përcjellë atmosferën para dhe pas ndeshjes.
Për më shumë, shikoni kronikën e përgatitur nga ‘Bleacher Report’ më poshtë. /Insporti.com/
Kosovo has a population of less than 2 million, but 100,000 tried to get tickets for their last home game. @JamesPiotr went to experience why it meant so much. 🇽🇰 pic.twitter.com/cRPs4HLfW4
— B/R Football (@brfootball) November 15, 2019