Autoritetet libiane kanë thënë se kanë gjetur mbetjet mortore të tre fëmijëve që ishin rrëmbyer më 2015 në kryeqytetin Tripoli.
Zyra e hetimeve kriminale në Libi ka thënë sot se trupat janë gjetur në qytetin jugor Surman, shkruan REL.
Një grup i armatosur kishte rrëmbyer fëmijët e familjes së biznesmenit Reyad al-Shershari dhe në këmbim të lirimit të tyre kishin kërkuar shpërblim. Fëmijët ishin nga mosha pesë deri në 12 vjeç, në kohën kur ishin rrëmbyer, transmeton AP.
Al-Shershari u ka thënë mediave lokale se ai u ka bërë apel autoritete gjatë këtyre viteve, por ata kanë dështuar që ta zbardhin këtë rast.
Në muajin mars, zyra për hetime kishte thënë se kanë arrestuar liderin e këtij grupi dhe kanë vrarë anëtarët e tjerë të tij.
