Gjatë 24 orëve të fundit në Gjermani janë shënuar mbi 24.300 raste me Coronavirus, transmeton Insajderi.
Në një deklaratë nga Instituti Robert Koch (RKI), thuhet se në 24 orët e fundit në vend janë shënuar 24.300 raste me COVID-19, duke e rritur në 2.833.173 numrin e përgjithshëm të rasteve.
Më tej, thuhet se për shkak të COVID-19 në 24 orët e fundit kanë humbur jetën 201 persona, duke e rritur totalin e vdekjeve nga virusi në 76.543.
Në valën e tretë të COVID-19 në Gjermani vazhdon të rritet numri i rasteve të reja ditore.
Në raportin e njoftuar nga RKI thuhet se në 48.151 testet pozitive me COVID-19 që u ekzaminuan javën e kaluar në vend u përcaktua se në 88 për qind të tyre është vërejtur lloji mutant B117 i virusit.
Në Gjermani 9.620.262 persona kanë marrë dozën e parë të vaksinës kundër COVID-19 ndërsa 4.152 mijë të tjerë dozën e dytë dhe në këtë mënyrë që nga 27 dhjetori 2020 e deri më tani janë aplikuar 13.772.656 doza të vaksinës.
Kancelarja gjermane, Angela Merkel pas një takimi më 22 mars që zhvilloi nëpërmjet video-konferencës me kryeministrat e rajoneve njoftoi zgjatjen deri më 18 prill të afatit të masave i cili ishte i vlefshëm deri më 28 mars me arsyen e rritjes së numrit të rasteve të reja në vend, kryesisht të llojeve COVID-19 që kanë pësuar mutacione. /Insajderi.com
