Një gjykatë e Sapporo-s vendosi se dështimi i qeverisë për të njohur martesën e të njëjtit seks është antikushtetues në vendimin e parë gjyqësor të vendit mbi barazinë e martesës, shkruan Japan Times, transmeton Insajderi.
Vendimi vendosi një precedent të ri në të vetmin komb të Grupit të Shtatë që të mos njohë plotësisht partneritetet e gjinisë së njëjtë, megjithëse refuzoi kërkesat për dëmshpërblim që duhej paguar.
Gjithsesi, është një fitore e madhe simbolike për komunitetin LGBTQ dhe aktivistët në një vend kushtetuta e të cilit përcakton martesën si të bazuar në “pëlqimin reciprok të të dy gjinive”.
Gjykata e Rrethit Sapporo hodhi poshtë kërkesën për dëmshpërblim nga gjashtë paditësit – dy çifte meshkuj dhe një çift femra – të cilët kishin kërkuar që qeveria të paguante 1 milion ¥ secili për shkak të dhimbjes që pësuan pasi nuk ishin në gjendje të martoheshin legalisht.
Në vendimin historik, gjykatësi kryesues Tomoko Takebe u doli në krah të çifteve që pretenduan se qeveria po shkelte nenin 14 të Kushtetutës që siguron të drejtën e barazisë, duke përshkruar si “diskriminuese” dështimin e qeverisë për të zbatuar masat ligjore për të ofruar “madje edhe një masë” të përfitimeve martesore për çiftet e të njëjtit seks. /Insajderi.com
