Sa herë që intervistohet njëri nga vëllezërit Xhaka, nuk mund të lihen anash pyetjet mbi duelin në mes të Kombëtares Shqiptare ndaj as të Zvicrës.
Ndeshja ndaj Shqipërisë do të jetë e veçantë, por edhe e vështirë pasi do të luaj ndaj kombit të tij. Kështu deklaroi mesfushori i Monchengladbachut Granit Xhaka, në një intervistë për gazetën gjermane “Rheinische Post”.
“Kjo është një situatë e veçantë, e cila nuk mund të kuptohet nga të gjithë. Kjo nuk ka të bëjë me Shqipërinë apo Zvicrën, por thjesht për faktin se luan kundër gjakut tënd. Por ne po e presim me padurim sfidën”, – ka thënë kapiteni i Monchengladbachut, Granit Xhaka, raporton Insajderi.
Ai beson që me Zvicrën gjithsesi që do të kalojë fazën e grupeve, por mendon edhe për ëndrrën e fitimit të Kampionatit Evropian, që mbahet këtë vit në Francë.
Në pyetjen e gazetarit se a mundet Zvicra ta fitojë “Euro 2016”-ën, ai u përgjigje shkurt: “Pse jo?”.
Shqipëria dhe Zvicra do të takohen më 11 qershor në “Stade Bollaert-Delelis”, të Lensit në kudaër të Grupit E në Kampionatin Evropian, raporton Insajderi.
Shqipëria dhe Zvicra janë takuar edhe më herët, në kuadër të kualifikimeve për botërorin “Brazil 2014”, dhe të dyja ndeshjet i pati fituar përfaqësuesja Zvicerane.
Në të dyja ndeshjet kombëtarja shqiptare ishte dënuar nga futbollisti tjetër shqiptar i Zvicrës, Xherdan Shaqiri./Insajderi
