Këtë të martë, Facebook hoqi një postim nga Presidenti Trump në të cilin pretendon në mënyrë të gabuar se Covid-19 është më pak vdekjeprurës se gripi sezonal, shkruan CNN, transmeton Insajderi.
Zëdhënësi i Facebook, Andy Stone konfirmoi se kompania hoqi postimin për thyerjen e rregullave të saj mbi dezinformimin në lidhje me Covid-19.
Presidenti Trump, me deklaratën e tij, e ka minimizuar kërcënimin e Covid-19. Tani, ndërsa po lufton me sëmundjen e Coronavirus-it, ai ka vazhduar të minimizojë në mënyrë të pandershme ashpërsinë e virusit.
Postimi i tij të martën barazoi në mënyrë të gabuar Covid-19 me gripin sezonal.
Presidenti gjithashtu postoi të njëjtin mesazh në Twitter. Ky postim është akoma në platformë, por Twitter i ka bashkangjitur një mesazh postimit duke thënë se ai shkelë rregullin e kompanisë për përhapjen e informacioneve false në lidhje me Covid-19. /Insajderi.com
