Kur R. Kelly u arrestua nën akuzat për pornografinë e fëmijëve në vitin 2002, Lanita Carter, floktarja e tij, ishte një nga mbrojtëset e tij më të zëshme.
Ajo kishte thënë se ai ishte një zotëri i përsosur, që ata duhet të luteshin për të, se ai nuk ishte “asgjë nga ajo që thoshin për të”.
Vizioni i znj. Carter për z. Kelly u shkatërrua një ditë në shkurt të vitit 2003, kur Carter, atëherë 24 vjeç, kërkoi t’i bëjë bishtalec flokët e këngëtarit. Kur mbetën vet, tregon ajo, z. Kelly kërkoi një masazh kokë. Ajo i tha atij se nuk bënte masazhe. Por pastaj, tha ajo, këngëtari ia tërhoqi kokën poshtë dhe kërkoi seks oral. Ajo refuzoi, dhe tha se ai filloi të masturbonte dhe pështyrë në fytyrën e saj. Asaj i kujtohet mirë se sa ai pështyu.
“Gjashtë herë”, tha zonja Carter, gjatë një interviste emocionale që u transmetua të enjten në “CBS This Morning.” Z. Kelly u ndal vetëm, tha ajo, kur dikush trokiti në derë. “Pastro fytyrën”, i kishte thënë.
Intervista shënoi herën e parë që znj. Carter ka folur publikisht në lidhje me akuzën e saj kundër z. Kelly, i cili përballet me 10 akuza për abuzime të rënda seksuale që kanë përfshirë katër gra, duke përfshirë zonjën Carter.
Ajo tregoi se e ka lajmëruar policinë ditën kur ndodhi, dhe se ata i morën teshat e Tommy Hilfiger që ajo kishte veshur si provë, sepse në to kishte spermë të z. Kelly. Por asnjëherë nuk u ngrit asnjë akuzë, dhe znj. Carter më vonë arriti dy marrëveshje me z. Kelly – një për 650.000 dollarë, tjetrën për 100.000 dollarë – në të cilën këngëtari nuk pranoi asnjë keqtrajtim.
Marrëveshja e dytë u bë pasi Z. Kelly xhiroi një këngë për seks me një grua që i kishte rregulluar flokët. Sipas kushteve të marrëveshjes, ai pranoi që kurrë të mos ta performojë atë ose ta përfshijë atë në albumet e ardhshme.
Marrëveshjet u bënë me kushte të mos publikimit, por sipas gazetares CBS, Jericka Duncan, e cila e intervistoi atë, zonja Carter u lajmërua pasi prokurori i lartë i Çikagos i kërkoi viktimave të kontaktojnë zyrën e tij më parë këtë vit.
Kelly, 52, emri i plotë i të cilit është Robert Kelly, është deklaruar i pafajshëm ndaj akuzave dhe është i lirë me kusht. Avokati i tij, Steve Greenberg, tha të enjten se policia kishte bërë një hetim të gjerë të ankesës së znj. Carter në vitin 2003 dhe se më pas prokurorët nuk pranuan të ngrinin padi.
Kelly u akuzua në shkurt pas një serie dokumentare Lifetime, “Surviving R. Kelly”, publikoi akuzat se z. Kelly kishte marrëdhënie seksuale me vajzat e mitura, dhe i mbajti gratë në një “kult seksi”, në të cilën ai kontrollonte çdo lëvizje të tyre , duke përfshirë kur ata mund të hanin dhe të shkonin në banjë.
Nga të katër gratë në çështjen penale të z. Kelly, znj. Carter, e cila është identifikuar si LC në dokumentet e gjykatës, ishte e vetmja që ishte e rritur në kohën kur ai akuzohej se i kishte abuzuar.
Dy ishin 16 vjeç, nën moshën të cilën e lejon shteti Illinois. Njëra prej tyre, Jerhonda Pace, ishte një nga gratë e para që publikohen me akuzat e saj. Tjetra nuk është identifikuar publikisht./Insajderi.com.
