Pas ndeshjes, trajneri i Manchester Cityt, Pep Guardiola, u pa mjaft i zhgënjyer duke humbur nga duart një sukses në momentin e tij të fundit, njofton Insajderi.
Guardiola përgëzoi skuadrën e tij duke u shprehu se zhvilluan një pjesë të dytë fantastike.
“Për ne ishte një sezon i jashtëzakonshëm. Ishte një ndeshje e ngushtë, kishim mundësi, ishim fantastikë në pjesën e dytë. Ishim të guximshëm dhe nuk mundëm t’i shfrytëzonim rastet sepse kundërshtarët ishin të forte”, tha fillimisht Guardiola.
“Lojtarët ishin të shkëlqyeshëm. Ne do të kthehemi një ditë përsëri! Zgjedhjet e ekipit? Unë dhashë atë që mendoja se ishte formacioni më i mirë. De Bruyne u dëmtua, por është gjë që ndodh në të tilla gara dhe të tilla ndeshje. Ne kishim nevojë për të gjithë skuadrën e plotë”.
“Ambicia është të pushojmë tani, por pastaj të përgatitemi për sezonin e ardhshëm. Ishte hera e parë që ishim në këtë fazë. Shpresojmë të kthehemi këtu në të ardhmen”, e mbylli fjalën e tij tekniku spanjoll. /Insajderi.com
