Mali Sinabung në Sumatran Veriore në Indonezi shpërtheu sot duke hedhur hirin vullkanik deri në 1.000 metra lartë, transmeton Insajderi.
Armen Putra, kreu i ekipit të vëzhgimit në Sinabung, tha se shpërthimi i parë ndodhi në 9:34 të mëngjesit, ndërsa i dyti në 12:16 pasdite sipas kohës lokale, raporton Anadolu Agency (AA).
Ai u bëri thirrje banorëve vendas të qëndrojnë vigjilentë, duke marrë parasysh që statusi i malit Sinabung është ngritur në gatishmëri ose në nivelin e tretë.
“Mos kryeni aktivitete në fshatra që janë zhvendosur, si dhe zona brenda një rreze prej 3 kilometrash nga maja e malit Sinabung”, tha Armen.
Ai u kërkoi banorëve të mbajnë maska për fytyrën, veçanërisht kur dalin jashtë, për të zvogëluar thithjen e grimcave të hirit dhe i këshilloi ata që të sigurojnë pajisje për ujë të pastrojnë çatitë e shtëpive që janë të mbuluara me hirin vullkanik për të parandaluar shembjen e tyre.
“Banorët duhet të jenë në gatishmëri për rrjedhën e mundshme të lavës”, shtoi zyrtari. /Insajderi.com
