Një nismë malajziane është shkak se ka shumë kërkesa për një shfletues të ri që është në përputhje me vlerat islame, në një kohë të rritjes së shqetësimeve në lidhje me privatësinë, paragjykimet dhe abuzimet online në internet.
SalamWeb , një shfletues mobil dhe desktop, është projektuar për të ofruar një eksperiencë të internetit miqësore me myslimanët. Aplikacioni, i cili përfshin mesazhe, lajme dhe veçori të tjera, ka përdoruesit kryesisht nga Malajzia dhe Indonezia, sipas Hasni Zarina Mohamed Khan, drejtor menaxhues në Salam Web Technologies MY Sdn.
Qëllimi i saj është që përfundimisht të përvetësojë 10 për qind të 1.8 miliardë popullsisë globale myslimane. Ajo vuri në dukje disa nga sfidat me të cilat ballafaqohet interneti, pasi kompanitë më të mëdha të teknologjisë në botë prej Google e deri në Facebook Inc përballen me kritika se kanë bërë shumë pak për të adresuar përmbajtjen e dëmshme dhe informacionin e rremë. Grupi i të drejtave të njeriut Amnesty International analizoi ndërveprimet e keqpërdorimeve dhe arriti në përfundimin se Twitter është një “vend toksik për gratë”.
“Ne duam ta bëjmë internetin një vend më të mirë”, ka thënë Hasni Zarina. “Ne e dimë se interneti ka të mirën dhe të keqen, prandaj SalamWeb ju ofron një mjet për të krijuar këtë dritare që ju lejon të shkoni në internet për të parë të mirën.
SalamWeb mbështetet në filtra të përmbajtjes të vëzhguara nga komuniteti që shënojnë faqet e internetit si të përshtatshme, neutrale ose të papërshtatshme, duke paralajmëruar përdoruesit kur u afrohen vendeve me lojërat e fatit ose pornografi. Ajo gjithashtu ka funksione specifike të myslimanëve, të tilla si kohët e lutjes dhe një tregues për drejtimin nga Kiba, ose drejtimi kah një mysliman duhet të drejtohet kur lutet.
Produktet janë të certifikuara në përputhje me Bordin Mbikëqyrës të pavarur të Amanie Shariah dhe është ndërtuar në softuerin me burim të hapur Chromium që është baza e shfletuesit të Google Chrome. Ligji i Sheriatit ndalon aktivitetet që konsiderohen jo etike, si për shembull kumari, prostitucioni dhe bizneset që lidhen me alkoolin dhe derri, si dhe produktet financiare me interes.
“Ne po nxisim vlera universale – edhe pse SalamWeb është i dedikuar për myslimanët, ai mund të përdoret nga të gjithë”, tha Hasni Zarina. “Interneti mund të jetë një vend i dëmshëm. Është e qartë se ne kemi nevojë për një alternativë”./Insajderi.com.
