Presidenti i Iranit, Hassan Rouhani, ka fajësuar Izraelin për vrasjen e një shkencëtari të lartë bërthamor të Premten dhe tha se nuk do të ngadalësonte programin bërthamor të vendit.
Rouhani gjithashtu tha se Irani do të hakmerret për vrasjen e Mohsen Fakhrizadeh në një kohë që zgjedh.
Fakhrizadeh u vra në një pritë në makinën e tij nga persona të armatosur në qytetin Absard, në lindje të kryeqytetit Teheran, raporton BBC.
Izraeli nuk ka komentuar, por më parë e ka akuzuar atë se qëndron pas një programi të fshehtë të armëve bërthamore.
Fakhrizadeh ishte shkencëtari më i njohur bërthamor i Iranit, i cili drejtoi organizatën e kërkimit dhe inovacionit të ministrisë së mbrojtjes.
Vrasja e tij kërcënon të përshkallëzojë tensionet rreth programit bërthamor të Iranit me SHBA dhe aleatin e saj të ngushtë Izraelin. /Insajderi.com
