Irani ka ekzekutuar opozitarin e regjimit, Ruhollah Zam, editorin e faqes së lajmeve Amed News, transmeton Insajderi.
Sipas agjencisë zyrtare iraniane të lajmeve IRNA, gazetari Zam u ekzekutua këtë mëngjes pas miratimit nga Gjykata e Lartë e vendimit të dhënë nga Gjykata Revolucionare, raporton Anadolu Agency (AA).
Amed News, e cila përshkruhet me “ndërgjegjësim, luftë, demokraci” filloi aktivitetet e saj në vitin 2015 përmes aplikacionit të rrjetit social Telegram. Llogaria e cila kryesonte me lajme kundër regjimit dhe e cila arriti në mbi 1 milion ndjekës në një kohë të shkurtër, u mbyll pas rreth dy vitesh.
Faqja e lajmeve me editor, Ruhollah Zam vazhdoi më pas publikimet e saj me emrin Sedaimardom (Zëri i Popullit).
Zam u arrestua në tetor 2019 me arsyen se “zhvillon aktivitete kundër revolucionit” dhe më pas u transferua në Iran.
Gjykata Revolucionare në qershor dënoi me vdekje Zam-in me akuzën e “shkaktimit të ligësive në botë”. /Insajderi.com
