Irani është njëri nga vendet më të prekura me Coronavirus, por dyshohet se statistikat e të infektuarve dhe vdekurve janë shumë më të larta sesa janë raportuar nga Ministria e Shëndetësisë e Iranit.
Kështu ka raportuar media prestigjioze, BBC ku thotë se këto pretendime janë gjetur nga një hetim i shërbimit Persian.
Duket se pothuajse 42,000 njerëz vdiqën me simptoma COVID-19 deri në 20 korrik, kundrejt 14.405 raportuar nga ministria e saj e shëndetësisë, raporton BBC, transmeton Insajderi.com.
Numri i njerëzve që dihet se janë të infektuar është gjithashtu pothuajse dyfish shifra zyrtare: 451,024 në krahasim me 278.827.
Javët e fundit, Irani ka raportuar një rritje tjetër të rasteve të të infektuarve dhe të vdekurve me COVID-19.
Vdekja e parë në këtë shtet që gjendet në Lindjen e Mesme ka ndodhur më 22 janar.
Shumë vëzhgues kanë hetuar një manipulim të mundshëm të statistikave në Iran sa i përket raportimit për numrin e rasteve pozitiv dhe vdekjeve nga Coronavirus. /Insajderi.com/