![ISIS në festë: Vrasja e gjeneralit të Iranit, një akt i ndërhyrjes hyjnore](https://insajderi.com/wp-content/uploads/2020/01/isisisis-730x440.jpg)
Shteti Islamik ka përshëndetur vrasjen e gjeneralit Iranian, Qasem Soleimani. Me një deklaratë zyrtare, ISIS e përshkruan eliminimin e kreut të forcave elitë Quds, si një akt i ndërhyrjes hyjnore që sjell përfitime për xhihadistët.
Pavarësisht përgëzimeve për sulmin, organizata terroriste nuk përmend Amerikën, që ndërmori sulmin ajror në Bagdad më 3 janar.
Vendimi i presidentit Donald Trump për të eliminuar gjeneralin Iranian solli një sërë reaksionesh zinxhir, si ndërprerja e luftës së papërfunduar kundër ISIS.
Menjëherë pas rritjes së tensioneve mes Uashingtonit dhe Teheranit, koalicioni i drejtuar nga SHBA ndërpreu operacionet kundër Shtetit Islamik në Irak.